Ambasadori i Urdhrit të Maltës në Shqipëri, Stefano Palumbo, së bashku me Këshilltarin e Ambasadës Massimo Fantechi dhe Sekretarin e Parë Stiven Shala ndërmorën së fundmi një vizitë kortezie për t’i shprehur urimet e tij Kryetarit të sapozgjedhur të Bashkisë së Shkodrës.

Gjatë këtij takimi miqësor, Ambasadori Palumbo i përcolli Kryebashkiakut urimet e tij më të mira. Palët u angazhuan gjithashtu në diskutime të frytshme, duke arritur një konkluzionin e përbashkët për forcimin dhe nxitjen e bashkëpunimit midis Urdhrit të Maltës dhe qytetit të Shkodrës.

Urdhri i Maltës është i pranishëm në Shkodër që nga viti 1995, me fokus në fushën mjekësore, sociale dhe të mbrojtjes civile. Selia e Organizatës Shqiptare të Urdhrit të Maltës është e vendosur në Shkodër dhe aty veprojnë më shumë se 100 vullnetarë.