Ambasadori i Urdhrit Sovran Ushtarak të Maltës në Shqipëri, Stefano Palumbo, i shoqëruar nga Sekretari i Parë i Ambasadës, Stiven Shala, zhvilloi një vizitë tek Ministri për Evropën dhe Punët e Jashtme të Shqipërisë, SH.T.Z. Igli Hasani.

Gjatë takimit, Ambasadori Palumbo dhe Ministri Hasani diskutuan për bashkëpunimin e vazhdueshëm ndërmjet Urdhrit Sovran të Maltës dhe Shqipërisë, veçanërisht në ndihma humanitare, shëndetësi dhe asistencë sociale. Ambasadori rikonfirmoi angazhimin e Urdhrit për të mbështetur Shqipërinë përmes iniciativave të saj diplomatike dhe humanitare, ndërsa ministri Hasani shprehu vlerësimin për kontributet e Urdhrit dhe ritheksoi vullnetin e Shqipërisë për të forcuar më tej bashkëpunimin.

Takimi përfundoi me një angazhim të përbashkët për thellimin e marrëdhënieve dypalëshe dhe nxitjen e diplomacisë humanitare në dobi të atyre në nevojë.