E Diela e Larit u kremtua me gjithë solemnitetin e saj të pamsë në Katedralen e Shën Palit në Tiranë. E kremtuar nga Arqipeshkëv i Tiranë-Durrësit, Imzot Arjan Dodaj, kapelan nderi i Urdhrit Sovran Ushtarak të Shën Gjonit të Jeruzalemit, të Rodosit dhe të Maltës, mesha u parapri nga procesioni tradicional në kopshtet e arqipeshkvisë.

Qindra besimtarë u bashkuan në katedrale për të festuar hyrjen triumfale të Jezusit në Jerusalem, të hipur mbi një gomar dhe të përshëndetur nga turma që tundte degë palme. Në mesin e qindra besimtarëve ishin edhe zërat e gjallë të delegacionit të vullnetarëve të rinj të Malteser Gjermani, të cilët i shtuan energji rinore solemnitetit të rastit teksa nisën rrugëtimin e tyre në Tokën së Shqiponjave në bashkëpunim me Organizatën Shqiptare të Urdhrit të Maltës.

Ambasadori Stefano Palumbo dhe Sekretari i Parë i Ambasadës Z. Stiven Shala, përfaqësues të Urdhrit Sovran të Maltës, morën pjesë në festën solemne së bashku me Konsullen e Përgjithshme të Italisë në Vlorë, znj. Iva Palmieri të shoqëruar nga Zëvendëskonsulli Antonio Rapisardi, Kalorësi i Urdhrit Sovran Ushtarak të Maltës.