Fra’ John Dunlap: “Këshilli i ri Sovran do të jetë strategjik në përballimin e sfidave të mëdha të sotme”.

Kapitulli i Përgjithshëm i Jashtëzakonshëm, i kryesuar nga Mëkëmbësi i Mjeshtrit të Madh Fra’ John Dunlap dhe kardinali Silvano Maria Tomasi, delegat special i Papës, zgjodhi të gjithë anëtarët e Këshillit Sovran, të cilët do të qëndrojnë në detyrë për gjashtë vjet.

Pas zgjedhjes së Komandantit të Madh Fra’ Emmanuel Rousseau, Kancelarit të Madh Riccardo Paternò di Montecupo, Hospedalieri i Madh Fra’ Alessandro de Franciscis dhe Thesarmbajtësit të Përbashkët Fabrizio Colonna, këshilltarët e Këshillit Sovran u zgjodhën: Fra’ João Augusto de Andrade, Fra’ Roberto Viazzo, Fra’ John Eidinow, Fra’ Mathieu Dupont, Fra’ Richard J. Wolff, Francis Joseph McCarthy, Michael Grace, Clemente Riva Sanseverino, Josef Blotz.

Në fund të zgjedhjeve, anëtarët e Këshillit Sovran bënë betimin dhe morën kompetencat e tyre të plota.

Mëkëmbësi i Mjeshtrit të Madh Fra’ John Dunlap shprehu kënaqësinë e tij me rastin përfundimit të zgjedhjeve: “Jam i sigurt se Këshilli i ri Sovran do të tregohet strategjik në adresimin e sfidave të mëdha mjekësore, sociale, humanitare dhe shpirtërore me të cilat përballemi në 120 vende në të cilat ne operojmë. Urimet e mia më të mira për anëtarët e sapozgjedhur për suksesin e detyrës së tyre të rëndësishme në shërbim të misionit të Urdhrit të Maltës”.

Në Kapitullin e Përgjithshëm të Jashtëzakonshëm morën pjesë 111 anëtarë të Urdhrit të Maltës nga pesë kontinente.

Të hënën, më 30 janar, Mëkëmbësi i Mjeshtrit të Madh, Delegati Special, së bashku me Këshillin e ri Sovran dhe Këshilltarët do të priten në audiencë në Vatikan nga Papa Françesku.