Shkëlqesia e Tij Arqipeshkvi Imzot Charles J. Brown, Nunci Apostolik në Shqipëri ka nderuar Urdhrin Sovran të Maltës dhe aktivitetet e tij bamirëse në Shqipëri me respekt dhe vëmendje të veçantë gjatë gjithë kohëzgjatjes së mandatit të tij.

Prezenca e tij e vazhdueshme në eventet diplomatike dhe humanitare, lidhja e fortë shpirtërore me komunitetin katolik shqiptar, e bënë atë një pikë referimi për shumë njerëz në Tiranë.

Për të gjitha këto arsye, me rastin e mbledhjes së Këshillit Sovran të mbajtur në Romë në tetor 2018 dhe me dëshirën për të shprehur mirënjohjen më të sinqertë për sigurimin e ndihmës shpirtërore për aktivitetet dhe veprat e Urdhrit Sovran Ushtarak Spitalor të Shën Gjonit të Jeruzalemi, i Rodosit dhe i Maltës, Lartësia e Tij Më e Shquar Princi dhe Mjeshtri i Madh Fra’ Giacomo dalla Torre del Tempio di Sanguinetto dhe Këshilli Sovran vendosën t’i japin atij Kryqin e Madh pro piis meritis pro Merito Melitensi. Ceremonia u zhvillua në Nunciaturën Apostolike në Tiranë, në prani të stafit diplomatik të Ambasadës dhe familjarëve të tyre.