This website uses technical and assimilated cookies as well as user-profiling third party cookies in a grouped format to simplify online navigation and to protect the use of services. To find out more or to refuse consent to the use of one or any of the cookies, click here . Closing this banner, browsing this page or clicking on anything will be taken as consent to the use of cookies.

Close

News

Arqipeshkvi i ri i Kishёs sё Tiranё-Durrёsit, Imzot Arjan Dodaj FDC

22/01/2022 


Më 22 janar, Ambasadori i Urdhrit Sovran të Maltës në Shqipëri Stefano Palumbo mori pjesë në ceremoninë e përurimit ose fillimit të misionit të Arqipeshkvit të ri Imzot Arjan Dodaj në Arqidioqezën Metropolitane Tiranë-Durrës, në Katedralen e Shën Palit.

Ati i Shenjtë emëroi Imzot Arjan Dodaj si Arqipeshkvi i ri i Arqidioqezës Metropolitane Tiranë-Durrës, duke zëvendësuar Arqipeshkvin George Frendo, i cili mbante këtë post përpara këtij emërimi. Arqipeshkvi George Frendo dha dorëheqjen.

Gjatë fjalës së tij në ceremoni, imzot George Frendo tha: “Ka ardhur koha që unë të largohem nga ky vend, jo sepse jam i mërzitur, gjatë 25 viteve që kam shërbyer në Shqipëri nuk jam penduar kurrë që kam ardhur si misionar në këtë vend. Unë e kam dashur gjithmonë Shqipërinë dhe shqiptarët dhe gjithmonë kam gjetur dashurinë dhe respektin tek ky popull. Falenderoj popullin shqiptar që u bë populli im. Largohem nga Shqipëria me shumë keqardhje.”

Imzot Arjan Dodaj, Kryeipeshkëv i ri i Arqidioqezës Metropolitane Tiranë-Durrës, ka qenë më parë ipeshkëv-ndihmës i kësaj Arqidioqeze Metropolitane, i emëruar nga Papa Françesku më 9 prill 2020, shuguruar ipeshkëv nga Imzot George Frendo më 15 shtator 2020 në Katedralen e Shën Palit në Tiranë. Imzot Dodaj është Kryeipeshkëvi i tretë i Tiranë-Durrësit në periudhën pas rënies së komunizmit, duke vijuar rrugën e Imzot Rrok Mirditës dhe Imzot George Frendo në këtë rol thelbësor për Kishën Katolike në Shqipëri.

Ambasada e Urdhrit Sovran të Maltës në Shqipëri

“Rruga Abdi Kazazi, 34, H 11, kati 5”, 1010 - Tirana, Albania

Tel: +3554 222 0240 - Email: [email protected]